Meta stöðuna í kjölfar dóms Landsréttar
Setja bókamerki
Ekki hefur verið tekin ákvörðun um það hvort Vinnslustöðin í Vestmannaeyjum láti reyna að áfrýja til Hæstaréttar vegna ákvörðunar Landsréttar um að lækka þær skaðabætur sem útgerðinni voru dæmdar í héraðsdómi vegna ólögmætrar úthlutunar á makrílkvóta árin 2011 til 2018.
„Málið er til skoðunar. Við eigum enn eftir að ljúka við að fara yfir niðurstöðuna og munum gefa okkur góðan tíma í það,“ segir Sigurgeir Brynjar Kristgeirsson (Binni), framkvæmdastjóri Vinnslustöðvarinnar, í samtali við 200 mílur.
Landsréttur staðfesti í síðustu viku niðurstöðu héraðsdóms um að íslenska ríkið skyldi greiða Vinnslustöðinni og Hugin (dótturfélag Vinnslustöðvarinnar) skaðabætur í ljósi þess að félögunum hafði verið úthlutað minni hlutdeild í heildaraflamarki í makríl en lög kváðu á um.
Var vinnslustöðinni dæmdar 269,5 milljónir króna í Landsrétti en héraðsdómur hafði í dómi sínum í fyrra talið 515 milljónir króna hæfilegar bætur. Skaðabætur Hugins héldust þó óbreyttar og námu 329 milljónum króna.
Aðspurður upplýsir Binni að engar ákvarðanir hafa verið teknar um það hvernig bótum sem félagið hlýtur verði ráðstafað.
Sjö félög kröfðust rúmlega 10 milljarða
Þegar málaferlin hófust umskaðabætur vegna ólögmætrar úthlutunar makrílkvóta voru sjö útgerðir aðildar að málinu. Auk Vinnslustöðvarinnar og Hugins voru það Eskja, Loðnuvinnslan, Ísfélag Vestmannaeyja (nú Ísfélag), Gjögur og Skinney-Þinganes. Var samanlögð skaðabótakrafa félaganna sjö 10,2 milljarðar króna.
Eskja, Loðnuvinnslan, Ísfélag Vestmannaeyja, Gjögur og Skinney-Þinganes féllu frá kröfum sínum 2020 og sögðust með þeirri ákvörðun leggja sitt á vogaskálarnar vegna víðtækra áhrifa kórónuveirufaraldursins á ríkissjóð og íslenskt samfélag.
Íbúar komnir heim á ný
Vara við svindli í Zagreb
Staðan alvarleg og stutt í aðgerðir
Þykir gott að flóðin féllu
„Sársauki okkar er nístandi“
„Þetta er ógnvænleg staða“
„Ég hef verið kjaftaskur mikill“