Spara stórfé með olíukaupum ytra
Setja bókamerki
Landhelgisgæsla Íslands hefur sparað um það bil 100 milljónir króna á þessu ári með því að kaupa olíu á varðskipin í Færeyjum en ekki á Íslandi.
Varðskip Landhelgisgæslunnar hafa tekið olíu í fimm skipti á árinu 2024, Freyja þrisvar og Þór tvisvar. Í fjórum tilfellum var olía tekin í Færeyjum en einu sinni á Íslandi. Að óbreyttu gerir Landhelgisgæslan ekki ráð fyrir að þurfa að taka meiri olíu á varðskipin á þessu ári.
Meðalverð á lítra úr þessum fimm olíutökum er um 99,3 krónur. Lítraverðið í olíutökunni á Íslandi var 154,1 króna en var að meðaltali 96,0 krónur í Færeyjum.
Ríkisendurskoðun beindi því til Landhelgisgæslunnar í skýrslu 2022 að hætta olíukaupum í Færeyjum. Engu að síður hélt Gæslan því áfram og bar því við að rekstur stofnunarinnar væri þyngri en áður.
Lesa má meira um málið í Morgunblaðinu í dag.
Ekki of seint að fá inflúensusprautuna
Vonast til að menn sjái alvöru málsins
„Þetta er ógnvænleg staða“
Náðun stuðningsmanna Trump vekur ólík viðbrögð
Ætla ekki að skila peningnum
Viljum hvorki vera Danir né Bandaríkjamenn