Myndskeið: Eyddu tundurduflinu
Setja bókamerki
Séraðgerðasveit Landhelgisgæslunnar hefur eytt tundurduflinu sem kom í land með fiskiskipinu Björg EA á Akureyri í gær, að því er segir í tilkynningu Facebook-síðu stofnunarinnar.
Greint var frá því í gær að fiskvinnsluhús Útgerðarfélags Akureyringa var rýmt skömmu eftir hádegi í vegna tundurdufls sem kom í veiðarfæri togarans Bjargar EA. Fékk togarinn duflið í síðasta holi veiðiferðarinnar en í fyrstu taldi áhöfnin að um gamla tunnu væri að ræða.
Fram kemur í færslu Landhelgisgæslunnar að tundurduflið sem var um 150 kíló hafi í gær verið flutt af hafnarsvæðinu og komið fyrir á öruggi dýpi í Eyjafirði. „Aðgerðir lögreglu og Landhelgisgæslunnar voru umfangsmiklar og loka þurfti hluta hafnarsvæðisins. Duflinu var komið fyrir á hafsbotni en ákveðið var að eyða því við birtingu,“ segir í færslunni.
Í morgun fór síðan séraðgerðasveitin ásamt með björgunarsveitarfólki úr Súlum að staðnum þar sem duflinu hafði verið komið fyrir í gærkvöld og undirbjó eyðingu þess. „Kafað var að tundurduflinu og það svo sprengt laust fyrir klukkan eitt í dag.“
Landhelgisgæslan segir aðgerðina hafa gengið afar vel og þakkar hún lögreglu og björgunarsveitinni Súlum fyrir gott og árangursríkt samstarf.
„Þá hvetur Landhelgisgæslan áhafnir skipa eða báta að hafa samband við stjórnstöð Landhelgisgæslunnar ef þær verða varar við torkennilega hluti sem kunna að koma í veiðarfærin svo ganga megi úr skugga um að engin hætta sé til staðar,“ segir í færslunni.
Líklega kvikusöfnun á miklu dýpi
Skella skuldinni á Búseta
Mundi ekki að hann bjó á Sauðárkróki árið 2001
Missti heimilið í þriðja sinn í eldsvoða
Kettlingur drapst af völdum skæðrar fuglaflensu
Hvetja Íslendinga til að fylgja tilmælum
Oddviti Suðurkjördæmis aldrei búið í Suðurkjördæmi