Vinnslu­stöðin í Vest­manna­eyj­um hef­ur lagt mikið í söl­urn­ar til að efla stöðu sína á Banda­ríkja­markaði og stofnaði ný­verið eigið sölu­fé­lag í Banda­ríkj­un­um, VSV America.

„Banda­ríkja­markaður er mik­il­væg­ur sér­stak­lega í þorski og ýsu. Þetta er nátt­úru­lega gríðarlega stór markaður. Við erum alltaf að leit­ast við að leggja ekki öll egg­in í sömu körfu. Við erum með stóra viðveru víðs veg­ar í Evr­ópu og í Asíu og höf­um kannski ekki verið jafn mikið í Am­er­íku fram að þessu en vilj­um auka hlut­deild okk­ar hér,“ seg­ir Björn Matth­ías­son, rekstr­ar­stjóri VSV Sea­food Ice­land, í sam­tali við 200 míl­ur.

Vinnslu­stöðin er mætt á sjáv­ar­út­veg­sýn­ing­una í Bost­on með eig­in bás en þó meðal annarra ís­lenskra fyr­ir­tækja. Banda­rík­in skip­ar sí­fellt mik­il­væg­ari sess sem kaup­andi ís­lensks sjáv­ar­fangs og er aukn­ing í fjölda ís­lenskra sýn­enda dæmi um það.

„Við höf­um verið að selja inn á Am­er­íku, bæði í gegn­um Hólma­sker í Hafnar­f­irði og Leo Sea­food í Vest­manna­eyj­um. Við erum ný­lega búin að stofna sölu­skrif­stofu í Banda­ríkj­un­um, VSV America, þar sem við erum að stíga skref í þá átt að stýra söl­unni meira sjálf­ir og búa til sam­bönd sem við get­um byggt á til framtíðar,“ út­skýr­ir Björn.

Frétt af mbl.is

Betri horf­ur fyr­ir fisk­inn í Am­er­íku

Hann seg­ir söl­una inn á Banda­ríkja­markað til þessa hafa aðallega verið stýrt frá Íslandi og í sum­um til­fell­um farið fram í gegn­um önn­ur söl­u­net og í gegn­um milliliði. Með sölu­fé­lag­inu breyt­ist staðan nokkuð því þá sé hægt að eiga afurðir til í Am­er­íku sem verður til þess að hægt verði að þjón­usta kaup á minni skömmt­um.

„Við erum að reyna að kom­ast nær neyt­and­an­um, auðvelda vinnu okk­ar við að byggja upp sam­bönd­in og fáum kannski aðeins meira fyr­ir vör­una þannig,“ seg­ir Björn.

Mik­ill fjöldi fólks sæk­ir sjáv­ar­út­vegs­sýn­ing­una í Bost­on. mbl.is/​Gunn­laug­ur

Af­end­ingarör­yggi lyk­il­atriði

Er erfitt að selja ís­lensk­an fisk í Am­er­íku?

„Það er smá vinna að kom­ast inn. Banda­ríkjamaður­inn er mjög trygg­ur, en um leið og maður er kom­inn inn fyr­ir og bú­inn að sanna sig þá held ég það séu fáir sem eru eins heiðarleg­ir í viðskipt­um, staðfast­ir og trygg­ir viðskipta­fé­lag­ar og Banda­ríkja­menn,“ svar­ar Björn.

Hann seg­ir Ísland vel þekkt sem fram­leiðandi sjáv­ar­fangs í efsta gæðaflokki. „Það fer gott orð af ís­lensku sjáv­ar­fangi og við get­um óhikað flaggað því að við séum frá Íslandi og bjóðum gæðavöru. Við erum þekkt fyr­ir góða vörumeðhöndl­un, góða fram­leiðslu sem upp­fyll­ir alla helstu gæðastaðla, sem skil­ar frá­bær­um afurðum til neyt­enda.“

Frétt af mbl.is

Fundaði með hags­munaðilum í Am­er­íku

Lyk­il­atriði í sölu sjáv­ar­af­urða er að sögn Björns að tryggja stöðugt fram­boð, það gangi ein­fald­lega ekki að detta af markaði í lengri tíma og vilja kaup­end­ur stöðugar horf­ur í af­hend­ingu. Það hafi meðal ann­ars verið ástæða þess að mik­il­vægt þótti að fjár­festa í upp­bygg­ingu sölu­fé­lags í Banda­ríkj­un­um.

Björn seg­ir markaðinn, sér­stak­lega á aust­ur­strönd Banda­ríkj­anna, eft­ir­sókn­ar­verðan því þar er að finna fólk sem er til­búið að greiða fyr­ir mik­il gæði. Það séu því bjart­ir tím­ar í vænd­um ef tekst vel að treysta viðskipta­sam­bönd Vinnslu­stöðvar­inn­ar.

Tengd­ar frétt­ir

Vinnslu­stöðin

Munu sækja verðmæti úr frá­rennsli vinnsl­unn­ar

• Ný­bygg­ing Vinnslu­stöðvar­inn­ar á áætl­un
• Sömdu um sjálf­virkt flutn­ings­kerfi í nýj­an tog­bát
• Ætla að smíða tvö ný fiski­skip
• Greiða 900 millj­ón­ir í arð eft­ir góða af­komu

» Fleiri tengd­ar frétt­ir

• Blogga um frétt