Í Reykjavík er að finna fjölda sjarmerandi og fallega hannaðra kaffihúsa sem bjóða upp á dýrindis bakkelsi og úrval af heitum og köldum drykkjum. Fyrsta helgin í aðventunni er framundan og því tilvalið að skella sér á notalegt kaffihús um helgina og koma sér í almennilegt jólaskap með heitu kakói.

Ferðavefurinn tók því saman nokkur kaffihús í Reykjavík sem þykja sérlega sjarmerandi, en þau eiga það öll sameiginlegt að vera fallega innréttuð og bjóða upp á kósí stemningu.

Hygge Coffe & Micro Bakery

Hygge er nýlegt hverfiskaffihús í gamla Vesturbænum innblásið frá Danmörku. Nafnið segir allt sem segja þarf – kaffihúsið er afar notalegt og hefur verið innréttað á fallegan máta með skandinavísku yfirbragði. 

Kaffi Ó-le

Kaffi Ó-le er staðsett í Hafnarstræti og býður upp á kaffidrykki og samlokur. Kaffihúsið hefur mikinn sjarma og hefur verið innréttað á minimalískan máta þar sem hlýir og mjúkir tónar spilar lykilhlutverk. 

Kaffihús Vesturbæjar

Á horni Hofsvallagötu og Melhaga er Kaffihús Vesturbæjar. Þar er boðið upp á fjölbreytt úrval af kræsingum, allt frá kökum og kaffi yfir í súpu og hamborgara. Notalegheit eru í forgrunni á kaffihúsinu sem hefur verið innréttað á sjarmerandi máta.

BakaBaka

BakaBaka opnaði í ársbyrjun 2022 í Bankastræti og sá Haf Studio um hönnun staðarins sem er afar glæsileg. Á daginn er boðið upp á brauð, bakkelsi og kaffidrykki í BakaBaka en um fimmleytið breytist staðurinn í ítalskan veitingastað sem býður upp á eldbakaðar pítsur.

Höfuðstöðin

Höfuðstöðin er lista- og menningarhús staðsett í Elliðaárdal, en á daginn er þar rekið skemmtilega hannað kaffihús með léttum veitingum. Þar er einnig hægt að skoða listaverkið Chromo Sapiens eftir Hrafnhildi Arnardóttur.

Kramber

Við inngang Kramhússins á horni Skólavörðustígs og Bergstaðastrætis er að finna kaffihúsið og vínbarinn Kramber. Staðurinn hefur verið fallega innréttaður með hlýlegu og skemmtilegu yfirbragði.

Tengdar fréttir

Hönnun

Björn Zoëga selur 170 milljóna íbúð í Hlíðunum

• Misstu húsið í Grindavík og keyptu hönnunarparhús í Garðabæ
• Andrea Róberts seldi húsið á dúndurverði
• 10 hlutir sem þú munt elska á útskriftardaginn
• Guðmundur Marteinsson keypti 190 milljóna lúxusíbúð sem Rut Kára hannaði

» Fleiri tengdar fréttir

Matur á ferðalögum

„Það er allt öðruvísi menning á Balí en maður hefði haldið“

• Versta matarupplifunin var í fegurðarsamkeppni í Mexíkó
• 48 tímar í Köben: Hönnunarparadís, sjósund og lífleg matarupplifun
• Eltir hótelstarfsfólk heim
• Borða McDonalds í útlöndum

» Fleiri tengdar fréttir

• Blogga um frétt