5 bestu norðurljósastaðir heims
Setja bókamerki
/frimg/1/52/63/1526330.jpg)
Norðurljósin hafa mikið aðdráttarafl og eru ferðalangar oft tilbúnir að ferðast langar leiðir til þess að líta þau augum. Ferðavefur Travel and Leisure tók saman lista yfir bestu norðurljósastaði heims.
Fairbanks, Alaska
Fairbanks í Alaska liggur beint undir norðurljósakraga sem þýðir að frá ágústmánuði til loka aprílmánaðar fær bærinn reglulega magnaða ljósasýningu. Mestu líkurnar á því að sjá norðurljósin eru á milli klukkan 11:00 og 02:00.
Noregur
Íbúar í Noregi kippa sér ekki upp við norðurljósasýningar, sérstaklega ekki á Svalbarða þar sem svokölluð pólnótt, eða eilíft myrkur, er frá miðjum nóvember til febrúar. Svalbarði er jafnframt eini byggði staðurinn þar sem þú getur séð norðurljós á daginn. Tromsø í Norður-Noregi er einnig góður norðurljósastaður, en bærinn er undir norðurljósakraga.
Finnland
Lappland í Finnlandi, norður við heimskautabauginn, er stórkostlegur staður til að upplifa norðurljós. Norðurljósin birtast að meðaltali yfir 200 nætur á ári, svo líkurnar á því að upplifa norðurljós þar eru ansi góðar.
Grænland
Lítil ljósmengun og gott skyggni á mörgum stöðum í Grænlandi gerir það að verkum að miklir möguleikar eru á að upplifa norðurljósin. Í Kangerlussuaq eru um það bil 300 heiðskýrar nætur yfir árið sem eru kjöraðstæður fyrir norðurljósasýningu.
Ísland
Ísland laðar að sér fjölda ferðamanna á ári hverju sem halda í vonina um að sjá norðurljósadans. Í greininni er sérstaklega mælt með því að fara út fyrir höfuðborgarsvæðið til þess að sjá bestu norðurljósin. Þá eru tvö hótel nefnd þar sem gott er að sjá norðurljós, annars vegar Hótel Rangá og hins vegar Ion Adventure hótelið.
Verkalýðshreyfingin pólitísk í eðli sínu
„Þetta er ljót mynd“
Ekki gerlegt að sakfella eftir lýsingu í ákæru
Fer fram á sex og hálfs ára fangelsi yfir Jóni Inga
/frimg/1/52/63/1526330.jpg)
Boða umbreytingu í grunnskólanum
„Við vorum alveg á nippinu“
Maðurinn sem lést var íslenskur
