Eitt algengasta áhyggjuefnið hjá verðandi foreldrum er hvort þeir séu undirbúnir fyrir komu barnsins eða ekki. Eftir að hafa gert barnaherbergið tilbúið, farið á fæðinganámskeið, keypt barnaföt og nóg af bleyjum er síðasta skrefið oft að pakka í spítalatösku fyrir fæðingardaginn. 

Nýverið birtist listi á vef Parents yfir hluti sem gott er að taka með sér á spítalann fyrir fæðingu, en við gerð listans voru sérfræðingar og foreldrar spurðir út í hvað hafi verið ómissandi í spítalatöskunni. 

Það er gott að pakka í töskuna með góðum fyrirvara svo allt sé tilbúið þegar lagt er af stað upp á fæðingardeild. Hér eru hugmyndir af hlutum sem gott er að taka með sér á spítalann fyrir fæðingu.

Fyrir foreldrana

• Aukaföt fyrir báða aðila
• Hleðslusnúrur
• Snarl og drykkir
• Snyrtivörur – eins og tannbursta, tannkrem og varasalva
• Koddi
• Ferðahátalari og/eða heyrnatól
• Inniskór
• Sloppur
• Myndavél eða sími
• Bók
• Peningaveski og/eða kort

Fyrir barnið

• Bílstóll
• Föt
• Bleyjur
• Bossaþurrkur
• Brjóstapumpa
• Gjafarpúði
• Peli (ef ætlunin er að nota slíkan)

En hvenær ætli sé best að hafa spítalatöskuna tilbúna? 

„Ef þú ætlar að fæða á spítala er líklegt að þú hittir lækninn þinn vikulega á milli 36. viku og 40. viku, svo þú getur ákveðið tímasetninguna til að pakka út frá því sem læknirinn segir í þessum heimsóknum með tilliti til þess hve langt þú ert gengin,“ er skrifað í greininni. 

Það er mikilvægt að pakka tímanlega í spítalatöskuna. Ljósmynd/Pexels/Kristina Paukshtite

Tengdar fréttir

Fæðingar og fleira

„María, ég er svo stoltur af þér“

• Ágúst Freyr og Elísabet Metta eignuðust stúlku
• „Að vera ung móðir er alveg áskorun“
• „Ég upplifði ekki þetta töfraaugnablik“
• „Eina nóttina opnast gat á brjóstinu á mér“

» Fleiri tengdar fréttir

Meðganga

Eiga von á þriðja barninu

• Komst að óléttunni viku fyrir undanúrslit Söngvakeppninnar
• „Að vera ung móðir er alveg áskorun“
• Ragga Hólm og Elma eiga von á barni
• „Eina nóttina opnast gat á brjóstinu á mér“

» Fleiri tengdar fréttir

• Blogga um frétt