Gríðarleg stemning var á tónlistarhátíðinni Secret Solstice þegar íslenska hljómsveitin Kiriyama family og Daði Freyr stigu á svið á lokakvöldi hátíðarinnar.
Gestir voru duglegir að dilla sér með þrátt fyrir talsverða úrkomu. Á síðasta degi hátíðarinnar hefur fólki þó farið talsvert fækkandi sérstaklega þegar liðið hefur á kvöldið og ljóst að veðurguðirnir spila þar ansi stórt hlutverk.
Fjölskyldufólk er nokkuð áberandi á hátíðinni enda þykirflesturm börnum gaman að upplifa tónlist og dansa.
Mikil stemning og eftirvænting var fyrir erlendu hljómsveitunum eins ogFooFighters ogTheProdigy sem skiluðu sínu af stakri snilld á föstudags og laugardagskvöldið.
Hins vegar gáfu íslensku böndin þeim erlendu lítið eftir. Á laugardaginn gáfu rapphundarnir í XXX Rottwailer allt í botn og náði öllum tónlistargestum með sér. Söngvarinn, Erpur Eyvindarson eða Blazroca, gerði sér lítið fyrir og henti sér yfir mannhafið. Ekki vildi betur til en svo að aðdáendurnir misstu hann niður í jörðina sem vakti talsverð viðbrögð viðstaddra.