Söngkonan Selena Gomez er sögð hafa verið flutt tvisvar á spítala á tveimur vikum. Heimildarmaður TMZ segir söngkonuna hafa fengið eitthvað sem hann kallaði tilfinningaáfall í seinna skiptið sem hún var flutt á spítala. Nú er söngkonan sem er 26 ára á meðferðarstofnun.
Í fyrra skiptið sem söngkonan var flutt á spítala var hún heima hjá sér í Kaliforníu en það var í lok september. Er söngkonan sögð hafa verið í uppnámi vegna þess hversu hvítu blóðkornin voru lág en Gomez gekkst undir nýrnaskipti í fyrra. Var hún á spítalanum í nokkra daga.
Gomez var svo aftur flutt á spítala í síðustu viku. Er hún sögð hafa verið í miklu uppnámi yfir hversu lág gildin hennar voru. Er hún sögð hafa farið yfir um á spítalanum þegar hún vildi fara heim en læknarnir vildu ekki leyfa henni það.