Hildur Guðnadóttir hlaut Nordic Music Prize
Setja bókamerki
Hildur Guðnadóttir hlaut í dag norrænu tónlistarverðlaunin Nordic Music Prize fyrir tónlist sína við sjónvarpsþættina Chernobyl sem kom út á hljómplötu í fyrra. Verðlaunin voru afhent með viðhöfn á tónlistarhátíðinni by:Larm, sem fram fer í Ósló.
Alls voru tólf norrænar hljómplötur tilnefndar til verðlaunanna, en auk Hildar voru íslensku tónlistarkonurnar Cell 7 (Ragna Kjartansdóttir) og Countess Malaise (Dýrfinna Benita Garðarsdóttir) tilnefndar fyrir verk sín sem komu út í fyrra.
Arnar Eggert Thoroddsen poppfræðingur situr í dómnefnd verðlaunanna fyrir Íslands hönd og smellti meðfylgjandi mynd af íslensku tónlistarkonunum baksviðs í Ósló síðdegis í dag, en allar voru þær viðstaddar verðlaunaafhendinguna.
Þessi verðlaun hafa verið veitt árlega frá árinu 2011 í tengslum við by:Larm-hátíðina í Ósló og er þetta í annað sinn sem íslenskur listamaður hlýtur hnossið. Jónsi (í Sigur Rós) hlaut verðlaunin fyrstur allra árið 2011 fyrir sólóplötu sína sem kom út það ár.
Merkilegt hve lengi gosið hélt dampi
Hvernig er vitað að þessi kona átti þetta barn?
„Gleymum því ekki að okkar vali fylgir ábyrgð“
Tók barn upp úr innkaupakerru móður
Eldgosinu er lokið
„Miklar líkur á rýmingu á næstu sólarhringum“
Fylgi Höllu hrundi eftir kappræðurnar
Næsta eldgos fær mikið forskot
