Birta fyrstu myndirnar úr Kötlu
Setja bókamerki
/frimg/1/13/1/1130157.jpg)
Netflix birtir í dag fyrstu myndirnar úr íslensku þáttaröðinni Kötlu. Um er að ræða fyrstu íslensku þáttaröðina sem framleidd er fyrir streymisveituna en þættirnir eru úr smiðju leikstjórans Baltasars Kormáks.
„Einu ári eftir eldgos í Kötlu hefur lífið í friðsæla smábænum Vík breyst til muna. Eldstöðin er ennþá virk og jökulísinn ofan við gosopið að einhverjum hluta bráðnaður. Bærinn hefur verið rýmdur og eins svæðið í kring en einungis er hægt að komast þangað með því að fara yfir Markarfljót. Þeir örfáu bæjarbúar sem eftir eru ná að halda nauðsynlegri þjónustu í samfélaginu gangandi og þrátt fyrir frábæra staðsetninguna er Vík orðin að nokkurs konar draugabæ. Ástandið verður svo enn ógnvænlegra þegar dularfull fyrirbæri byrja að koma undan jöklinum og hafa í för með sér afleiðingar sem enginn gat séð fyrir,“ segir í tilkynningu en þættirnir verða teknir til sýningar fljótlega.
Með hlutverk fara Guðrún Ýr Eyfjörð, Íris Tanja Flygenring, Ingvar Sigurðsson, Þorsteinn Bachmann, Sólveig Arnarsdóttir, Guðrún Gísladóttir, Baltasar Breki, Björn Thors, Haraldur Ari Stefánsson, Birgitta Birgisdóttir, Helga Braga Jónsdóttir, Björn Ingi Hilmarsson, Aldís Amah Hamilton, Hlynur Atli Harðarson og Svíarnir Aliette Opheim og Valter Skarsgård.
Ótímabundin leyfi verði líklega ekki gefin út
„Styttist í nýjustu tíðindi“
Tveir milljarðar tapast vegna vatnsskorts
Stofna framkvæmdanefnd um málefni Grindavíkur
Hefur ekki upplýsingar um ráðningu Karenar
Ráðherrar taki „lúku úr ríkiskassanum“
Stjórnvöld hafa tvo mánuði til að bregðast við
Olíufélögin fái milljarða í afslátt frá borginni