Mary Carmack-Altwies, saksóknari í Santa Fe í Bandaríkjunum segir að það sé ekki ljóst hvort leikarinn Alec Baldwin hafi tekið í gikkinn á byssunni sem varð tökumanninum Halynu Hutchins að bana. 

Saksóknarinn segir að viðtal leikarans við sjónvarpsstöðina ABC hafi verið áhugavert og þá sérstaklega fullyrðing hans um að hann hafi ekki tekið í gikkinn á byssunni. 

Hutchins lést eftir að voðaskot hljóp úr byssu sem Baldwin hélt á. Gerðist þetta við tökur á kvikmyndinni Rust í október á síðasta ári. Fjölskylda Hutchins hefur nú höfðað mál gegn Baldwin, framleiðendum myndarinnar og leikmunameistaranum. 

Frétt af mbl.is

Í mál við Baldwin

„Þú getur togar hamarinn aftur án þess að taka í gikkinn og án þess að læsa henni. Þannig ef þú dregur hamarinn hálfa leið aftur, þá læsist hann ekki. Síðan ef þú sleppir þá getur skot farið úr byssunni,“ sagði Carmack-Altwies í viðtali við Vanity Fair. 

Carkmack-Altwies hefur sjálf rannsakað fullyrðingar Baldwins óformlega. Hefur hún látið kanna byssur af sömu tegund og frá sama tímabili og var notuð við tökurnar. Rannsókn hennar hefur leitt í ljós að það er möglegt að skot hlaupi úr byssunni þegar hamarinn er togaður hálfa leið aftur og svo sleppt.

Tengdar fréttir

Alec Baldwin

Alec Baldwin áreittur af stuðningsmanni Palestínu

• Sögð hafa verið timbruð þegar hún hlóð byssuna
• Styttist í refsiákvörðun í voðaskotsmáli
• Segir Baldwin hafa verið stjórnlausan
• Eru heitustu hjónin í Hollywood að skilja?

» Fleiri tengdar fréttir

• Blogga um frétt