Mannréttindalögfræðingurinn Amal Clooney er ein 12 kvenna sem voru valdar konur ársins af tímaritinu TIME. Clooney segir eiginmann sinn, Hollywoodstjörnuna George Clooney, veita sér mikinn innblástur og reynir að nýta athyglina til góðs. 

„Hjónabandið hefur verið yndislegt. Eiginmaður minn er mér ótrúlegur innblástur og er stuðningsríkur. Við eigum heimili sem er fullt af ást og hlátri,“ segir hinn 44 ára gamla Clooney í viðtalinu. Clooney á tvíburana Ellu og Alexander sem verða fimm ára á þessu ári með eiginmanni sínum. „Þetta er meiri hamingja en ég hefði nokkru sinni getað ímyndað mér. Mér finnst ég svo heppin að hafa fundið ást í lífi mínu og verða móðir,“ sagði Clooney sem segir fjölskyldulífið hjálpa sér að halda jafnvægi. 

Clooney var þekktur lögfræðingur áður en hún kynntist George Clooney en eftir að þau giftust hefur hún verið enn meira í kastljósi fjölmiðla og ekki bara vegna starfa sinna. Hún segist nýta athyglina til þess að beina sjónum fólks að mikilvægum málefnum og það geti komið skjólstæðingum hennar til góðs. „Ég get ekki gert mikið í því þegar fréttir af vinnuviðburðum fjalla um eitthvað sem kemur málinu ekkert við. Þar sem ég get ekki stjórnað því reyni ég að hugsa ekki um það og held áfram með vinnuna og líf mitt,“ segir lögfræðingurinn.

Tengdar fréttir

George Clooney

Clooney-hjónin trylla allt

• Bömmer að verða sextugur
• Ætlaði ekki að eignast börn
• Sagði Streep einnig hafa verið gifta Clooney
• Ísland í öllu sínu veldi í stiklu Clooneys

» Fleiri tengdar fréttir

Ást í Hollywood

Hávær orðrómur um hjónaskilnað

• Skellti sér á skeljarnar á fallegri strönd á Bora Bora
• Sögð hafa vitað um meint framhjáhald Jackman og Foster
• Stjörnuhjón hvort í sína áttina
• Jason Kelce og Taylor Swift láta eins og ekkert sé eftir ljótt atvik

» Fleiri tengdar fréttir

• Blogga um frétt