Eins og geng­ur og ger­ist eiga þekkt and­lit það til að hverfa af skján­um og ný and­lit bregða fyr­ir í staðinn. Tinna Milj­evic, yngri syst­ir Evu Ruzu, er nýtt and­lit á skján­um en þær syst­ur stýra gagn­virka skemmti- og spurn­ingaþætt­in­um Ertu viss? í beinni út­send­ingu hér á mbl.is öll fimmtu­dags­kvöld kl. 19.00 í vet­ur. 

Tinna hef­ur í nokk­ur ár starfað bakvið mynda­vél­arn­ar og haft hend­urn­ar í förðun og hári og ýmsu öðru sem snýr að út­liti og stíliser­ingu. Tinna er mik­ill fag­ur­keri og má í raun segja að hún sé al­ger þúsundþjala­smiður. 

Hér gefst les­end­um kost­ur á að skyggn­ast á bak við þann mann sem Tinna hef­ur að geyma. 

Hvað ætlaðir þú að verða þegar þú yrðir stór?

„Get­um við tekið þessa spurn­ingu aft­ur þegar ég er orðin stór? Ég er nefni­lega ennþá að velta því fyr­ir mér..“

Hvaða hæfi­leika mynd­irðu helst vilja hafa sem þú tel­ur þig ekki hafa nú þegar?

„Ég væri rosa­lega til í að geta spáð í bolla. Mér finnst sjarmer­andi til­hugs­un að sitja við eld­hús­borðið að spá í bolla og lífið við kerta­ljós. Veit samt ekki hver í ósköp­un­um myndi rétta mér bolla til að stinga nef­inu ofan í, en klár­lega hæfi­leiki sem ég væri til í að hafa. Vill ein­hver koma í 10 dropa til mín? Væri kannski erfiður bransi í dag þar sem svona fín­ir kaffi­boll­ar eru í tísku.. Svona með mjólk og alls kon­ar.

Hvað mynd­irðu gera ef þú fest­ist í lyftu?

„Ég myndi 100% fara að grenja um leið. Það væri samt allt í lagi að gráta. Ég væri alla vega ekki með maskara niður á kinn­ar þar sem ég er með gerviaugn­hár öll­um stund­um. Þannig að um leið og ég myndi losna út gæti ég þóst vera geggjað töff og labbað skjálf­andi út án þess að mikið bæri á. Ann­ars er gam­an að bæta því við að ég forðast lyft­ur og hef alltaf gert - skít­hrædd um að fest­ast í þeim. Man eft­ir að hafa klöngr­ast í hæla­skóm og í flug­freyju­bún­ingi upp 5 hæðir á hót­eli í Bost­on, með mjög stóra ferðatösku, af því ég þorði ekki upp í lyft­unni og þorði ekki að segja nein­um frá því. Má við það bæta að þegar upp var komið komst ég ekki út af stiga­gang­in­um og inn á hæðina sök­um eld­varna. Þurfti ég því að skrölta aft­ur niður 5 hæðir, í hæla­skón­um, með tösk­una og hatt­inn á hausn­um og hunsk­ast í lyft­una. Skjálf­andi. Ekki með gerviaugn­hár á mér.“

Ef þú vær­ir föst á eyðieyju, hvaða þrjá hluti mynd­irðu vilja hafa með þér?

„Núm­er eitt: Ég sá einu sinni svona brúsa sem breyt­ir salt­vatni í vatn. Kannski var þetta ekki brúsi, held­ur vél. Eða kannski sá ég þetta alls ekki. Núna er ég að ef­ast..
En ég myndi taka það með. Eða finna það upp. Fer eft­ir því hvenær brott­för er áætluð.

Núm­er tvö: Pöddu­sprey því það væri glatað að vera föst á eyðieyju með ofsakláða af bit­um í þokka­bót. Mjög pirr­andi get ég ímyndað mér.

Núm­er þrjú: Mjög mikið af eld­spýt­um eða öðru til að kveikja eld. Ég myndi lík­lega lifa mjög stutt ef ég þyrfti að borða hrá­an mat all­an dag­inn nefni­lega.“

Hvort ertu meiri mömmu­stelpa eða pabba­stelpa?

„For­eldr­arn­ir mín­ir eru ekki með leyfi til að gera op­in­ber­lega upp á milli okk­ar systra svo ég leyfi mér ekki held­ur að gera upp á milli þess­ara mola. Þau eru dúnd­ur frá­bær og bestu for­eldr­ar al­heims­ins og ég er besta yngsta dótt­ir þeirra.“

Ef þú mynd­ir vinna í lottó, hversu stórt hlut­fall af vinn­ings­upp­hæðinni mynd­ir þú deila með Evu?

„Ef þetta væri bara lít­il upp­hæð myndi ég kannski láta skipta nokkr­um þúsund­köll­um í krón­ur og láta rigna niður af svöl­un­um hjá okk­ur (við búum sko í tví­býli) og lofa henni að eiga það. Samt eig­in­lega bara gefa Sigga mann­in­um henn­ar Evu pen­ing­inn - ekki henni. Hann er nefni­lega ástæðan fyr­ir því að ég bý í húsi sem held­ur vatni og vind­um.
En ef þetta væri rosa­lega mik­ill pen­ing­ur þá myndi ég gefa henni 1/​4 af upp­hæðinni og skipta jafnt á öll heim­ili stór­fjöl­skyldu okk­ar.“

Tengd­ar frétt­ir

Ertu viss

Brot af því besta úr Ertu viss?

• Hér tek­ur þú þátt í lokaþætti Ertu viss?
• Huldumaður­inn Hreim­ur af­hjúpaður
• HÉR tek­ur þú þátt í Ertu viss?
• Alls­ber­ar drottn­ing­ar stöldruðu stutt við hjá Evu

» Fleiri tengd­ar frétt­ir

• Blogga um frétt