Þórhallur Sigurðsson, best þekktur sem Laddi, mætti sem gestastjórnandi í skemmti- og spurningaþáttinn Ertu viss? sem hófst núna kl. 19.00. Opnuðu þau Tinna Miljevic og Laddi þáttinn í sameiningu þar til Eva Ruza lét sjá sig.
Þrátt fyrir að Laddi hafi tekið sig vel út í setti fékk hann lítið tækifæri á að komast að. Virtist hann því frekar feginn þegar Eva Ruza kom fram á sjónarsviðið og leysti Ladda frá störfum.
Atvikið var sprenghlægilegt enda er Laddi lítt þekktur fyrir annað en að vera einstaklega hlýlegur og fyndinn í senn.
Smelltu hér ef þig langar að spila með að viku liðinni. Spurningaþátturinn Ertu viss? í umsjón systranna Evu Ruzu og Tinnu verður í beinni útsendingu á mbl.is og á rás 9 hjá sjónvarpi Símans öll fimmtudagskvöld í vetur.