Leikarinn Dan Benson segist aldrei hafa liðið betur eftir að hann skipti út leikferli sínum hjá Disney fyrir erótíkina á OnlyFans. Segir Benson að geðheilsan hafi aldrei verið betri og að hann sjái alls ekki eftir ákvörðun sinni.

Benson tjáir sig um umsvifin á ferli sínum í TikTok-mynbandi sem hann deildi nýlega með aðdáendum sínum. Þar segir hann frá ástæðunni á bak við breytingarnar. Eftir að hafa fundið nektarmyndir af sér í dreifingu á netinu og ekki tekist að fjarlægja þær, ákvað Benson að taka málin í sínar hendur. Í stað þess að leyfa öðrum að selja einkalíf sitt ákvað hann að selja það sjálfur.

Benson hefur þó þurft að læra að setja sér mörk. Segist hann hafa oft fengið send skilaboð þar sem hann var beðinn um að gera eitthvað sem hann hafði ekki áhuga á. Því hafi hann gert notendum OnlyFans það ljóst að hann deili eingöngu nektarmyndum af sjálfum sér.

Benson lék á árunum 2007 til 2012 í sjónvarpsþáttaröðinni Wizards of Waverly Place, sem sýnd var á sjónvarpsstöð Disney. Þar lék hann meðal annars á móti Selenu Gomez og Cole Sprouse.

Tengdar fréttir

Onlyfans

Græðir á tá og fingri á OnlyFans

• 62 ára og byrjuð á OnlyFans
• Þénar 5,2 milljónir á mánuði á OnlyFans
• Carmen Electra afhjúpar vinsælasta líkamshlutann á OnlyFans
• Sopranos-stjarna mætt á OnlyFans

» Fleiri tengdar fréttir

• Blogga um frétt