Norski leikarinn Jon Øigarden, sem er þekktur fyrir hlutverk sitt í þáttunum Útrás (Exit), er kominn í fjölmiðla í heimalandi sínu fyrir allt annað en leiksigra sína. Hann og eiginkona hans, Caroline Giertsen Øigarden, eru í máli við nágranna sinn. 

Hinn siðlausi Jeppe Schøitt sem Øigarden leikur í Útrás hefur líklega gerst sekur um vafasama hluti í þáttunum þar á meðal fjárdrátt og fíkniefnakaup. Nágrannerjur Øigarden í úthverfinu Nordberg snúast hins vegar um saklausara málefni eða afnotarétt af garðbletti að því fram kemur á vef Verdens Gang. 

Øigarden-hjónin keyptu hús sitt fyrir rúmlega 18 milljónir norskra króna árið 2017. Í fyrra fengu hjónin nýjan nágranna og þá hófst rifrildið um garðblettinn sem liggur á milli húsanna tveggja. Nágranninn á blettinn en Øigarden-hjónin eru með afnotarétt. Nýi nágranninn er ekki sáttur við þetta fyrirkomulag. 

Ekki hefur tekist að miðla málum og verður því stóra garðmálið tekið fyrir í lok september í Ósló. Øigarden-hjónin benda meðal annars á að þau hafi varið peningum í uppbyggingu á garðblettinum. Hann sé framlenging á þeirra garði og þau horfi á svæðið út um stofugluggann en nágranninn sér svæðið ekki frá sínu húsi. 

Tengdar fréttir

Útrás

Vertu eins og EXIT-gæi á grænum Porche

• Fjórir 60 milljóna EXIT-jeppar í umferðinni hérlendis
• „Þetta eru siðblindir einstaklingar sem svífast einskis“
• Græðgi, fíkniefni og kameldýr í Útrás
• Útrásarstjarna skilin eftir 38 ára samband

» Fleiri tengdar fréttir

• Blogga um frétt