Þurfa sleðahunda á stemningssvellinu
Setja bókamerki
/frimg/1/5/36/1053609.jpg)
Þáttaröðin IceGuys hefur komið eins og stormsveipur inn í íslenskt sjónvarp. Ferskur andblær í leikna íslenska flóru. Viðtökurnar hafa verið frábærar en annar þátturinn í seríunni kom inn á Sjónvarp Símans síðastliðinn föstudag og sló áhorfsmetið um rúmlega 50%.
„Viðtökurnar hafa farið langt fram úr væntingum. Það er ótrúlega skemmtilegt að heyra hvað þættirnir virðast hitta í mark hjá öllum aldurshópum og við erum himinlifandi með þetta,“ segir Hannes Þór Halldórsson, leikstjóri og einn af framleiðendum þáttanna.
„Þetta er fyrsta leikna serían okkar í framleiðslufyrirtækinu Atakvík og við erum bæði afar stolt af árangrinum og þakklát fyrir áhorfið.“
Í skýjunum
Fyrsti þáttur af IceGuys setti nýtt áhorfsmet í Sjónvarpi Símans fyrir rúmri viku en annar þáttur bætti um betur og það eru greinilega margir sem bíða spenntir eftir framhaldinu.
„Við í IceGuys erum alveg að pæla í því að fá okkur sleðahunda eftir þessar frábæru viðtökur. Slíkt er stemningssvellið að verða á landinu og við erum auðvitað í skýjunum með þetta allt saman,“ segir Jón Jónsson, einn meðlima IceGuys.
„Í næstu snjókomu biðjum við landsmenn að hugsa til okkar því hvert einasta snjókorn er þakklætisvottur frá okkur ísdrengjunum,“ segir Jón, bróðir eins ástsælasta tónlistarmanns Íslands, Friðriks Dórs.
Erfiðar viðræður að baki
Hættu við vopnasendingu til Ísraels
Sérkennilegt hjá borginni
„Hætta á því að það dragi úr samstöðunni“
Vill ekki „aumingjalegar“ lækkanir á röngum tíma
Spá launahækkunum nokkuð umfram kjarasamninga
Mældist á 174 km hraða í gegnum vinnusvæði
Stýrivextir Seðlabankans óbreyttir