„Við erum að missa ungt fólk af vinnumarkaði og svipta það tækifærum í lífinu,“ segir blaðakonan Guðrún Hálfdánardóttir um stöðu geðheilbrigðismála sem hún hefur fjallað ítarlega um að undanförnu. Þetta sé hægt að koma í veg fyrir ef fólk fær svigrúm, stuðning og rétta aðstoð tímanlega.   

Á síðustu misserum hefur Guðrún rýnt í málaflokkinn í þremur greinaflokkum um börn, ungt fólk og geðheilbrigðismál. Þar er rætt við marga tugi sérfræðinga í kerfinu, notendur þess og aðstandendur þeirra og í ferlinu hefur Guðrún fengið innsýn í stöðu geðheilbrigðismála hér á landi og miðlað henni til lesenda mbl.is. 

Í myndskeiðinu er rætt við Guðrúnu um ferlið sem hófst árið 2016 með heimildaöflun.

Greinasafnið: Börnin okkar og úrræðin