Alls eru 169 einstaklingar sem áður voru umsækjendur um alþjóðlega vernd og komnir í verkbeiðni hjá embætti ríkislögreglustjóra um flutning úr landi, skráðir í lögreglukerfinu LÖKE í stöðunni „finnst ekki”.

Þetta kemur fram í svari dómsmálaráðherra við fyrirspurn Ingu Sæland, formanns Flokks fólksins, um framkvæmd brottvísana.

Frétt af mbl.is

Kostnaður meira en 100-faldast

„Það þýðir að þeir hafa ekki fundist þegar kom að flutningi úr landi þrátt fyrir að ítrekað hafi verið reynt að ná í þá. Ekki er vitað hvar þeir eru staddir, þ.e. hvort þeir séu hér á landi eða erlendis,” segir í svarinu.

Fram kemur að tölfræðin taki mið af fjölda verkbeiðna sem hafa borist embættinu frá árinu 2019.