„Ég er einfaldlega forsetaframbjóðandi, ekki hommi í framboði,“ sagði Baldur Þórhallsson á forsetafundi Morgunblaðsins og mbl.is í gærkvöldi.
„Ég er einfaldlega forsetaframbjóðandi, ekki hommi í framboði,“ sagði Baldur Þórhallsson á forsetafundi Morgunblaðsins og mbl.is í gærkvöldi.
„Ég er einfaldlega forsetaframbjóðandi, ekki hommi í framboði,“ sagði Baldur Þórhallsson á forsetafundi Morgunblaðsins og mbl.is í gærkvöldi.
Stóðu fundargestir allir um leið upp úr stólum og klöppuðu fyrir Baldri.
Þessi orð Baldurs komu sem svar við spurningu fundargests sem rifjaði upp grein sem skrifuð var um Baldur og eiginmann hans, Felix Bergsson, á Heimildinni.
Í greininni sagði greinarhöfundur það ekki sæma forsetaembættinu að hafa samkynhneigt par á Bessastöðum.
„Hvort sem mér yrði treyst fyrir embættinu eða ekki þá að minnsta kosti vona ég að ég geti rutt brautina fyrir annað hinsegin fólk sem kemur kannski í kjölfarið, þannig að það þurfi ekki að svara spurningum um það hvort að hommi geti orðið forseti Íslands. Eða svarað spurningum hvort að kyn þess skipti máli,“ sagði Baldur.
Hægt er að horfa á spurninguna og svarið í myndskeiðinu hér að ofan.
Baldur vísaði í kosningabaráttu Vigdísar Finnbogadóttur og umræðuna sem spannst um að einstæð móðir sæktist eftir forsetaembættinu.
Sagði hann að þær konur sem séu í framboði núna hafi ekki þurft að réttlæta það að þær séu í framboði, þökk sé baráttu Vigdísar á sínum tíma.
Hér að neðan má sjá fundinn í heild sinni: