„Ég er þeirrar skoðunar að okkur vanti umbreytingarleiðtoga, ekki bara einn en að forseti geti farið fyrir því, og ég vil leggja áherslu á að við leiðum fólk saman,“ sagði Halla Tómasdóttir í forsetakappræðum Morgunblaðsins og mbl.is í gær.

Hún sagði að traust í samfélaginu væri með lægsta móti sem við höfum séð og því sé ekki hægt að vinna eins og áður hefur verið gert.

Frétt af mbl.is

Horfðu hér: Heitar kappræður í Hádegismóum

Óttast ekki að nota málskotsréttinn

Halla kveðst vilja vera forseti sem leiðir saman stjórnvöld, atvinnulíf, þriðja geirann, ólíkar kynslóðir og hópa samfélagsins, og gefa fólki aukinn þátt í að móta framtíðarsýnin landsins.

„Eins og þetta blasir við mér þá höfum við verið að tosa allt of mikið í sundur í stórum og mikilvægum málum. Og nú spyr þjóðin um málskotsréttinn vegna þess að traustið á Alþingi er lágt og ég óttast ekki að nýta hann,“ sagði Halla meðal annars.

Hún sagði samt ekki nóg að setja bara mál í atkvæðagreiðslu heldur þyrfti samtal að eiga sér í þjóðinni.

Horfðu á kappræðurnar í heild sinni í spilaranum hér að neðan: