Ríkisstjórn Spánar heitir því að hindra allar fyrirætlanir Katalóníumanna um að halda þjóðaratkvæðagreiðslu um sjálfstæði, eins og fyrirhugað er á næsta ári.

Forseti Katalóníu, Artur Mas, tilkynnti fyrr í dag að samkomulag hefði náðst milli stjórnmálaflokka í sjálfstjórnarhéraðinu um framkvæmd þjóðaratkvæðagreiðslunnar. Stuttu síðar tjáði dómsmálaráðherra Spánar, Albertu Ruiz-Gallardon, sig um málið við fjölmiðla og sagði einfaldlega: „Þessi atkvæðagreiðsla verður ekki haldin“.

Samið var um að atkvæðagreiðslan yrði haldin þann 9. nóvember 2014 og kjósendur spyrðir hvort þeir vilji að Katalónía verði sjálfstætt ríki. Þetta kemur fram á vef BBC.

Katalóníumenn tvíklofnir

Báðir stærstu flokkar Spánar, Lýðflokkur forsætisráðherrans Mariano Rajoy og Sósíalistaflokkurinn sem nú er í stjórnarandstöðu, hafa ítrekað gert það ljóst að þeir séu andsnúnir þjóðaratkvæðagreiðslu um málið.

Í Katalóníu búa um 7,5 milljónir manna. Sjálfstjórnarhéraðið er eitt af þróuðustu og efnuðustu svæðum Spánar og hefur efnahagskreppan á Spáni fært katalónskri þjóðerniskennd byr undir báða vængi. 

Skoðanakannanir benda þó til að Katalóníumenn séu klofnir til helminga í afstöðu sinni til sjálfstæðis. Evrópusambandið og NATO hafa varað við því að slíti Katalónía sig frá Spáni teljist hún sem sjálfsætt ríki standa utan bandalaganna.

Alberto Ruiz-Gallardon dómsmálaráðherra Spánar. AFP

Tengdar fréttir

Sjálfstæð Katalónía?

Kóngur íslensku Wikipediu?

• Puigdemont tekinn höndum
• Katalónskir aðskilnaðarsinnar hljóta uppreist æru
• Sjálfstæðissinnar með meirihluta
• Sjálfstæðissinnar taka sæti á Evrópuþinginu

» Fleiri tengdar fréttir

• Blogga um frétt