Stjórn bandaríska fimleikasambandsins ætlar að segja af sér vegna hneykslismálsins í tengslum við kynferðislega misnotkun fyrrverandi læknis bandaríska fimleikalandsliðsins á fjölda fimleikakvenna.
Ákvörðunin var tekin vegna þrýstings frá bandarísku ólympíunefndinni, USOC.
„Bandaríska fimleikasambandið mun gangast við skilyrðum USOC,“ sagði í tilkynningu frá sambandinu.
Læknirinn fyrrverandi, Larry Nassar, var fyrr í vikunni dæmdur í 40 til 175 ára fangelsi fyrir kynferðislegt ofbeldi.
Bandaríska fimleikasambandið samþykkti að gangast við þeim sex skilyrðum sem ólympíunefndin setti til að sambandið fengi að stjórna áfram fimleikaiðkun í landinu.