Larry Nassar, fyrrverandi læknir bandaríska fimleikalandsliðsins, var stunginn margsinnis með eggvopni í Colman-fangelsinu í Flórída í gær.
Nassar var sakfelldur fyrir að brjóta kynferðislega á fjölda landsliðsstúlkna og kvenna í landsliðinu á meðan hann var læknir þess.
AP-fréttaveitan greinir frá og segir tvo heimildarmenn sína segja atvikið hafa gerst í gær en að ástand Nassar sé stöðugt.
Er hann sagður hafa verið stunginn í bakið og bringuna.