„Þeir skemmtu sér á minn kostnað“
Setja bókamerki
„Ég sver að þessar ásakanir eru ekki sannar,“ sagði Brett Kavanaugh, sem Donald Trump Bandaríkjaforseti hefur tilnefnt í embætti dómara við Hæstarétt Bandaríkjanna, við lok vitnaleiðslu fyrir dómsmálanefnd öldungadeildar Bandaríkjaþings.
Kavanaugh neitar því að hafa reynt að nauðga Christine Blasey Ford þegar hún var fimmtán ára og hann sautján. Ford bar vitni á undan Kavanaugh en í kjölfar þess að hún sagði frá reynslu sinni hafa tvær konur til viðbótar sakað Kavanaugh um kynferðisofbeldi.
„Ég er ekki hér af því að mig langi til þess. Ég er dauðhrædd,“ sagði Ford. Hún sagði að Kavanaugh hefði greinilega verið ölvaður þegar hann reyndi að afklæða hana og nauðga í partíi þegar hún var fimmtán ára.
„Hann byrjaði að káfa á mér og þrýsta sér að mér. Ég reyndi að kalla á hjálp en þegar ég gerði það hélt hann fyrir munninn á mér til að koma í veg fyrir að ég hrópaði. Það var erfitt fyrir mig að ná andanum og ég hélt að hann myndi drepa mig óviljandi,“ sagði Ford.
Spurð um hvað væri henni minnisstæðast í tengslum við meinta árás Kavanaugh svaraði Ford að það væri hlátur Kavanaugh og Mark Judge, vinar hans. „Þeir skemmtu sér á minn kostnað,“ sagði Ford sem náði að flýja þegar Judge hoppaði ofan á hana og Kavanaugh.
Alls skipar 21 maður nefndina; ellefu repúblikanar og tíu demókratar. Konur eru í minnihluta í nefndinni, alls fjórar, en karlarnir eru sautján.
Trump ánægður með Kavanaugh
Donald Trump Bandaríkjaforseti hefur tilnefnt Kavanaugh í embætti dómara við Hæstarétt Bandaríkjanna. Kavanaugh sagði að staðfestingarferli sitt hefði snúist upp í þjóðarskömm en öldungadeildarþingmenn hafa sagt að ekki sé um réttarhöld að ræða, heldur sé Kavanaugh í atvinnuviðtali.
Trump var ánægður með sinn mann að vitnaleiðslum loknum og sagði hann hafa verið „kraftmikinn, heiðarlegan og grípandi“. Forsetinn sagði enn fremur að hegðun demókrata væri skammarleg.
Kavanaugh reiddist þegar hann sagði að málið væri „skipulagt pólitískt samsæri“ gegn sér. Hann sagði mannorð sitt flekkað eftir „þessar grimmu og fáránlegu ásakanir“.
„Ég er saklaus af þessum ásökunum. Ég hef aldrei áreitt neinn kynferðislega. Kynferðisofbeldi er hræðilegt. Þetta er eins og sirkus og afleiðingarnar munu fylgja okkur áratugum saman,“ sagði Kavanaugh.
Hann brotnaði niður þegar hann lýsti því þegar hann og tíu ára dóttir hans fóru með bænir í gærkvöldi. „Dóttir mín sagði að við skyldum biðja fyrir þessari konu. Það er mikil viska frá tíu ára barni.“
„Þetta var hræðileg stund“
/frimg/1/51/19/1511999.jpg)
Lenda í háska í óskipulögðum jöklaferðum
Taka þarf ákvarðanir um framtíð Grindavíkurbæjar
Kvikusöfnun 80% af því sem var fyrir síðasta gos
Vonaðist eftir annarri niðurstöðu
Stjórnvöld stíga ekki inn í kjaradeilurnar
Skúli sýknaður en 780 milljóna greiðslum rift
Víðir gerir upp mistök frá covid-tímanum