Ríkissaksóknari í Svíþjóð hefur ákveðið að hefja á ný rannsókn á tveimur plastbarkaaðgerðum ítalska skurðlæknisins Paolo Macchiarini og hvort slæleg vinnubrögð hans hafi valdið dauða tveggja sjúklinga.

„Þetta er fyrsta skrefið en það er mjög jákvætt,“ er haft eftir lögmanni fjölskyldna þeirra sem létust, Erítreumannsins Andemariam Beyene og tyrkneskrar konu.

Andemariam var fyrsta manneskjan sem Macchiarini græddi plastbarka í og lést hann tveimur og hálfu ári eftir aðgerðina. Íslenskur læknir tók þátt í aðgerðinni á Andemariam.

Mál á hendur skurðlækninum var fellt niður í október í fyrra þar sem kom fram að embætti saksóknara fyndi engar sannanir sem styddu sakargiftir gegn honum. Tveimur mánuðum síðar var greint frá því að einhverjar ákærur yrðu betur skoðaðar.

Upphaflega voru fjögur mál til rannsóknar en aðeins tvö þeirra verða endurskoðuð.

Tengdar fréttir

Plastbarkamálið

Munu höfða mál gegn ríkinu vegna plastbarkamálsins

• Ríkið hafnar bótagreiðslu vegna plastbarkamálsins
• Dómurinn staðfesti að betur hefði mátt fara
• Tómas í leyfi frá Landspítalanum
• Fleiri stofnunum gert að tjá sig um plastbarkamál

» Fleiri tengdar fréttir

• Blogga um frétt