Forseti sænska þingsins, Andreas Norlén, segir að þingheimur muni ganga til atkvæðagreiðslu að nýju um næsta forsætisráðherra landsins, þá þriðju frá Svíar gengu að kjörborðinu í september, en það verði ekki gert fyrr en á næsta ári.

Atkvæðagreiðslan mun fara fram 16. janúar en í tvígang hafa þingmenn á sænska þinginu hafnað tilnefningu Norlén. Ulf Kristers­son, for­manni hægri­flokks­ins Modera­terna, var hafnað 14. nóvember og Stefan Löfven var hafnað 14. desember.

Ef ekki tekst að velja nýjan forsætisráðherra þá verður jafnvel kosið í fjórða skiptið, einnig í janúar. Ef sú tilraun tekst ekki telur Norlén líklegt að kosið verði að nýju í apríl. 

Á vef sænska ríkissjónvarpsins er haft eftir honum að hann sjái ekki tilgang með því að kalla þingið saman núna til þess að greiða atkvæði um val á forsætisráðherra. Bæði Löfven og Kristersson fá núna tíma til þess að reyna að mynda nýja ríkisstjórn og Norlén ætlar að ræða við þá í síma 28. desember og 4. janúar um gang viðræðna. Lokafrestur þeirra er 10. janúar.

Frétt SVT 

Tengdar fréttir

Þingkosningar í Svíþjóð 2018

SVT braut gegn hlutleysisákvæði

• Löfven verður forsætisráðherra
• Löfven verði áfram forsætisráðherra
• Norlén ræðir við formenn flokka
• Aftur á byrjunarreit

» Fleiri tengdar fréttir

• Blogga um frétt