Ný stjórn virðist nú vera í burðarliðnum í Svíþjóð eftir fjögurra mánaða stjórnarmyndunarviðræður. Frá þessu greina sænskir fjölmiðla.

Útnefnir forseti sænska þingsins Stefan Löfven í embætti forsætisráðherra klukkan tvö í dag, eitt að íslenskum tima og felur honum þar með umboð til stjórnarmyndunar. 

Formaður Vinstriflokksins tilkynnti í morgun að flokkur hans muni ekki greiða atkvæði gegn því að Stefan Löfven, formaður Jafnaðarmannaflokksins og núverandi forsætisráðherra, verði valinn til að gegna forsætisráðherraembættinu áfram.

„Okkar markmið er að Stefan Löfven verði kjörinn forsætisráðherra á föstudag og verði þá áfram í forystu fyrir ríkisstjórnina,“ sagði Jonas Sjöstedt  formaður Vinstriflokksins og kvað Vinstriflokkinn með því tryggja sér pólitísk áhrif að því er danska ríkisútvarpið DR greinir frá.

Tengdar fréttir

Þingkosningar í Svíþjóð 2018

SVT braut gegn hlutleysisákvæði

• Löfven verður forsætisráðherra
• Norlén ræðir við formenn flokka
• Aftur á byrjunarreit
• Er stjórnarkreppan að leysast?

» Fleiri tengdar fréttir

• Blogga um frétt