Mögnuð „tillitssemi“ mótmælenda
Setja bókamerki
Mikið hefur verið skrifað um mótmælin í Hong Kong sem hófust í byrjun júní. Á mánudag var greint frá því þegar mótmælendur brutu sér leið inn þinghús sjálfstjórnarhéraðsins LegCo og gengu þar berserksgang.
„Óeirðaseggirnir“ voru harðlega gagnrýndir af stjórnvöldum í kjölfarið en nú hefur birst myndefni sem sýnir ótrúlega magnaða tillitssemi mótmælenda, ef svo má að orði komast.
Það má deila um það hvort staðan sé svo alvarleg í Hong Kong að nauðsynlegt hafi verið að hverfa frá friðsamlegum mótmælum og brjóta sér leið inn í opinbera byggingu með því að brjóta glugga og hurðir, spreyja á veggi og leggja muni í rúst.
En það er aftur á móti óumdeilanlegt að að minnsta kosti einhverjir sem fóru þangað inn báru virðingu fyrir verðmætum annarra einstaklinga, mikilvægum menningarminjum og fornmunum.
Á myndum sem hafa birst úr þinghúsinu má sjá að gripið var til sérstakra ráðstafana til að vernda fornmuni, bækur og fleira. Fyrrum íbúi Hong Kong sem býr nú á Íslandi var svo góð að senda meðfylgjandi myndir sem birtust á vefsíðu fjölmiðilsins HKCNews og þýða textann fyrir mbl.is.
Tævanska sjónvarpsfréttastöðin TVBS gerði innslag um þessa skemmtilegu hlið mótmælanna sem má sjá hér. Því fylgir því miður ekki texti.
Um 90 milljónir í vanskilum
Ekkert breyst í samstarfinu nema fylgi flokkanna
Neyðarástand: Merki um landris og þúsundir flýja
Viðtalið sem sprengdi meirihlutann?
Lofaði kjósendum að knýja fram breytingar
Snapchat verst af þeim öllum
Tilkynningar um tjón á fjórða hundrað