45 eru særðir, þar af einn lífshættulega eftir að hópur manna vopnaður bareflum réðst á mótmælendur á lestarstöð í Hong Kong í gærkvöldi. Atvikið hefur vakið mikla reiði í borginni ekki hvað síst þar sem lögregla þótti afar lengi að koma sér á staðinn.

AFP-fréttaveitan segir myndir sem birtar hafa verið á samfélagsmiðlum sýna menn vopnaða kylfum, prikum og járnstöngum berja fjölda mótmælenda og blaðamanna á Yuen Long-lestarstöðinni og inni í neðanjarðarlestum á stöðinni þannig að blóðpollar mynduðust á gólfinu. Einn er lífshættulega særður líkt og áður sagði og fimm til viðbótar eru alvarlega sárir.

Mennirnir klæddust flestir hvítum stuttermabolum og huldu andlit sín. AFP

Grunur leikur á að mennirnir, sem flestir klæddust hvítum stuttermabolum, tilheyri kínversku glæpagengi. 

Frétt af mbl.is

Gúmmíkúlum skotið á mótmælendur

Mótmælt var í Hong Kong alla helgina, sjöundu helgina í röð, og skaut lög­regla gúmmí­kúl­um á og beitti tára­gasi gegn hópi mót­mæl­enda í borg­inni.

BBC segir þetta í fyrsta skipti sem komið hafi til ofbeldis á þessum skala í mótmælunum, sem hófust vegna umdeilds lagafrumvarps sem heimila á framsal á meintra glæpamanna til Kína.

Fjölmargir þingmenn hafa þegar gagnrýnt hversu lengi lögregla var að bregðast við árásinni á lestarstöðinni. Þingmaðurinn Lam Cheuk-ting sagði það hafa tekið lögreglu rúman klukkutíma að mæta á staðinn.  

Þá benti þingmaðurinn Ray Chan á Twitter á að óvíða í heiminum væru fleiri lögreglumenn á hvern íbúa en í Hong Kong. „Hvar voru þeir?“ spurði hann.

Árásarmennirnir fóru einnig inn í neðanjarðarlestir á stöðinni og réðust á mómælendur þar. AFP

BBC hefur eftir lögreglu nú í morgun að enginn hafi enn verið handtekinn vegna málsins en rannsókn sé í gangi.

Tengdar fréttir

Mótmælt í Hong Kong

Átta handteknir út af færslum á netinu

• YouTube hamlar aðgengi að mótmælalagi
• Átta handteknir 34 árum eftir blóðbaðið
• John Lee nýr leiðtogi Hong Kong
• Fyrsta sakfellingin á grundvelli öryggislaganna

» Fleiri tengdar fréttir

• Blogga um frétt