Öllu flugi um Hong Kong-flugvöll aflýst
Setja bókamerki
Flugumferð um alþjóðaflugvöllinn í Hong Kong hefur nú verið aflýst annan daginn í röð vegna mótmæla. Greint var frá því fyrr í morgun að hundruðum flugferða hefði verið aflýst, eftir að opnað var á ný fyrir umferð um völlinn í morgun.
BBC segir myndbönd sem birt hafa verið á samfélagsmiðlum í dag sýna farþega eiga í erfiðleikum með að komast leiðar sinnar í gegnum þvögu mótmælenda í brottfararsal flugvallarins.
Þúsundir mótmælenda söfnuðust saman á flugvellinum í gær.
„Verulegar truflanir hafa orðið á flugi um alþjóðaflugvöllinn í Hong Kong vegna samkomu almennings á flugvellinum í dag,“ sagði í yfirlýsingu frá flugvallaryfirvöldum.
Carrie Lam, ríkisstjóri Hong Kong, hefur varað við að ofbeldi tengt mótmælunum kunni að koma Hong Kong á leið sem ekki verði af snúið.
Á fundi með fjölmiðlum í dag sagði Lam: „Ofbeldi, hvort sem það er að beita ofbeldi eða láta það viðgangast, mun ýta Hong Kong á leið sem ekki verður af snúið.“ Sagði Lam slíka stöðu geta reynst samfélaginu hættulega og ástæða sé til að hafa áhyggjur af þróun mála. „Ástandið í Hong Kong undanfarna viku hefur vakið með mér áhyggjur af að við séum komin á þann stað,“ bætti hún við.
Mótmælin á flugvellinum, sem nú eru á sínum fimmta degi, hafa farið friðsamlega fram.
Til átaka hefur hins vegar komið með lögreglu og mótmælendum annars staðar í Hong Kong í mótmælunum sem nú hafa staðið yfir í á tíundu viku og hefur lögregla m.a. beitt táragasi, kylfum og gúmmíkúlum.
Æskuvinir sem fóru í víninnflutning frá Georgíu
/frimg/1/53/82/1538213.jpg)
„Hálendið eiga menn að skoða“
Björgunarsveitir kallaðar út í nótt
Feðgar saman í Grænlandstúr á jólum
Í vinnunni á aðfangadagskvöldi í 25 ár
38 létust í flugslysi
Fuglager í Grindavík: „Þetta var bara pínu magnað“
Spá 13-18 stiga frosti í borginni