Ný ebólusmit í Kongó
Setja bókamerki
Ebólu-smit hafa verið staðfest í Suður-Kivu héraði í Lýðveldinu Kongó. 26 ára karlmaður er látinn og eitt barna hans er smitað og hefur verið komið undir læknishendur.
Þetta er í fyrsta sinn sem ebólu-smit greinist í héraðinu en fyrsta tilfelli ebólu í landinu greindist í ágúst í fyrra. Alls hafa um 1.900 manns látið lífið í ebólu-faraldrinum og í síðasta mánuði lýsti Alþjóðaheilbrigðismálastofnunin (WHO) yfir neyðarástandi vegna ástandsins.
Héraðsstjóri Suður-Kivu hefur sent viðbragðsteymi heilbrigðisfólks á staðinn sem mun veita stuðning vegna smitanna.
Ebólufaraldurinn sem nú geisar er sá tíundi síðan sjúkdómurinn greindist fyrst árið 1976. Faraldurinn nú er jafnframt sá versti síðan árin 2014-2016 þegar um 11.000 manns létust í Gíneu, Síerra Leóne og Líberíu.
/frimg/1/53/7/1530787.jpg)
Flogið á milli ljósaskipta
Hraunið við bílastæði Bláa lónsins
Virknin dregist saman um 600 metra
Mæðgur dæmdar til að greiða 64 milljónir
Ástæða til að ætla að eldgosahrinu fari að ljúka
Maskína: Framsókn í fallbaráttu
Fullvissa ferðamenn um að hér sé öruggt