Sebastian Piñera, forseti Síle, lagði í gærkvöldi til félagslegar umbætur en markmið þeirra er að binda enda á mótmæli í landinu sem hafa staðið yfir frá því fyrir helgi. Alls hafa fimmtán látið lífið í mótmælunum.

Piñera fundaði með nokkrum stjórnarandstöðuflokkum vegna ástandsins í gærkvöldi og kynnti hugmyndir sínar.

Meðal þess sem forsetinn lagði til var að skattar á rafmagn yrðu frystir, lágmarkslífeyrir hækkaði um 20% og að ríkið stæði straum af kostnaði við dýrar læknaaðgerðir.

Frétt af mbl.is

Fimmtán látin í óeirðum í Síle

Átök brutust út í Síle á föstudag vegna hækkaðs verðs á lestarmiðum. Hækkunin var dregin til baka en það dugði ekki til og hefur almenningur síðan mótmælt lág­um laun­um, mis­skipt­ingu og spill­ingu.

Ástandið hefur ekki verið gott í Síle síðustu daga. AFP

Tengdar fréttir

Mótmælt í Síle

Létu öflugan jarðskjálfta ekki stöðva sig

• „Erfið og sársaukafull ákvörðun“
• Síle hættir við að halda loftslagsráðstefnu
• Ómæld virðing borin fyrir slökkviliði
• Piñera biður ráðherra sína um að segja af sér

» Fleiri tengdar fréttir

• Blogga um frétt