Lögreglan í Hong Kong handtók hundruð manna, þar á meðal tólf ára dreng, um síðastliðna helgi í fyrstu mótmælum almennings gegn stjórnvöldum síðan kórónuveiran braust út.

Á sunnudaginn, tveimur dögum eftir að samkomubanni var aflétt að hluta til og barir og íþróttasalir máttu opna aftur, lenti lögreglan í átökum við mótmælendur í mörgum verslunarmiðstöðvum.

Síðar beitti hún piparúða og kylfum gegn mótmælendum, fólki sem stóð og fylgdist með og blaðamönnum í hverfinu Mong Kok.

Mótmælandi handtekinn í Hong Kong. AFP

Að sögn lögreglunnar voru 230 handteknir á aldrinum 12 til 65 ára. Fólkið var kært fyrir ýmis afbrot, þar á meðal fyrir að brjóta reglur um samkomubann. Í því felst að ekki mega fleiri en átta koma saman á almannafæri.

Heilbrigðisyfirvöld greindu frá því að 18 hefðu verið fluttir á sjúkrahús.

Tengdar fréttir

Mótmælt í Hong Kong

Átta handteknir út af færslum á netinu

• YouTube hamlar aðgengi að mótmælalagi
• Átta handteknir 34 árum eftir blóðbaðið
• John Lee nýr leiðtogi Hong Kong
• Fyrsta sakfellingin á grundvelli öryggislaganna

» Fleiri tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt