Kínverjar heita hefndum
Setja bókamerki
Kínversk stjórnvöld hafa gagnrýnt bandarísk stjórnvöld harðlega og segjast munu hefna sín eftir að Donald Trump Bandaríkjaforseti skrifaði undir tilskipun þess efnis að Hong Kong muni framvegis ekki fá neina sérmeðferð frá bandarískum stjórnvöldum.
Hong Kong hefur verið undanskilið refsiaðgerðum og tollum sem Kína hefur mátt sæta. Það breytist nú vegna nýrra öryggislaga sem tóku gildi í Hong Kong í maí.
Lögin kveða á um bann við uppreisnaráróðri, landráði og sjálfstæðisumleitunum sjálfstjórnarhéraðsins Hong Kong. Þá er rétturinn til þess að mótmæla verulega skertur með lögunum.
Fyrir utan aðgerðir kínverskra stjórnvalda í Hong Kong hefur Trump gagnrýnt Kína harðlega vegna kórónuveirufaraldursins, sem á upptök sín í kínversku stórborginni Wuhan.
Litlar líkur á að hraunið nái til mannvirkja
Drónamyndskeið frá hápunkti gossins í nótt
Hluti bílastæðis undir hraun: Ómögulegt að meta tjón
Mjög alvarlegt ef Njarðvíkuræð gefur sig
Virknin dregist saman um 600 metra
„Erum í miðri hrinu“: Styttist í Eldvörp
Úlfar: Heppileg tímasetning á gosinu