Aðalmeðferð í plastbarkamálinu hefst í héraðsdómstóli Solna á næsta ári, en þingfesting málsins fór fram í gær. Í málinu er skuðlæknirinn Paolo Macchiarini ákærður fyrir að hafa beitt þrjá sjúklinga grófu ofbeldi eða misþyrmingu er hann setti í þá plastbarka. Sjúklingarnir eru allir látnir.

Nýr saksóknari var skipaður í málinu eftir þingfestingu málsins í gær. Þetta upplýsir Jim Westerberg, yfirsaksóknari hjá embætti sérstaks saksóknara í Svíþjóð, í samtali við Dagens Medicin. Mikael Björk sem hefur stýrt rannsókn saksóknara í málinu undanfarin ár mun því ekki flytja málið þegar aðalmeðferð hefst á næsta ári.

Fyrsti sjúklingurinn sem undirgekk plastbarkaaðgerð Macchiarini á Karólínska sjúkrahúsinu í Stokkhólmi, Andemariam Teklesenbet Beyene, hafði verið til meðferðar á Landspítala.

Frétt af mbl.is

Macchiarini fyrir dómstól í Svíþjóð

Tengdar fréttir

Plastbarkamálið

Munu höfða mál gegn ríkinu vegna plastbarkamálsins

• Ríkið hafnar bótagreiðslu vegna plastbarkamálsins
• Dómurinn staðfesti að betur hefði mátt fara
• Tómas í leyfi frá Landspítalanum
• Fleiri stofnunum gert að tjá sig um plastbarkamál

» Fleiri tengdar fréttir

• Blogga um frétt