Skutu niður þotu og neita að borga skaðabætur
Setja bókamerki
Kanadískir dómstólar hafa dæmt írönsk stjórnvöld til þess að greiða yfir 80 milljónir dala í skaðabætur, sem samsvarar um 10,5 milljörðum króna, til sex fjölskyldna sem misstu ástvin þegar Íranar skutu niður úkraínska farþegaflugvél 8. janúar 2020.
Flug PS752 var skotið niður rétt eftir flugtak frá Tehran, höfuðborg Íran. 176 létust og þar af 85 kanadískir ríkisborgarar.
Atvikið skilgreint sem hryðjuverk
Þremur dögum eftir árásina viðurkenndu yfirvöld í Íran að hafa skotið niður flugvélina fyrir slysni.
Dómstólar í Kanada voru áður búnir að skilgreina atvikið sem hryðjuverk, og vegna þess gátu fjölskyldur þeirra látnu krafist bóta frá yfirvöldum í Íran.
Það er þó óljóst hvernig skaðbæturnar verða innheimtar frá Íran.
Buðust til þess að borga 150.000 evrur
Yfirvöld í Íran segja ekkert fordæmi vera til staðar fyrir dómnum og fullyrða að kanadískir dómstólar skorti það dómsvald sem þarf til þess að komast að þessari niðurstöðu.
Í desember buðust yfirvöld í Íran til þess að borga fjölskyldum þeirra látnu, 150.000 evrur í skaðabætur sem jafngildir rúmum 22 milljónum króna.
Þessi tilkynning var harðlega gagnrýnd í Úkraínu og Kanada, og sagt að bætur ættu að vera ákvarðaðar af dómsstólum.
Hraun fór yfir Grindavíkurveg
Mæðgur dæmdar til að greiða 64 milljónir
Sáu eldgosið brjótast út frá Snæfellsnesi
Búseta skortir byggingarlóðir
Virknin dregist saman um 600 metra
Á algjöru frumstigi eftir þrjár vikur af verkfalli
Hraunið náð Njarðvíkuræð: Fylgjast með raflínu