Forseti Úkraínu gagnrýnir ummæli Bidens
Setja bókamerki
Volodymyr Zelensky, forseti Úkraínu, gagnrýndi í kvöld Joe Biden, Bandaríkjaforseta, á Twitter vegna ummæla hans um innrás Rússlands í Úkraínu. Þar skrifaði Zelensky að „minniháttar innrás“ væri ekki til heldur hefðu innrásir alltaf afleiðingar.
Biden hafði talað um að „minniháttar árás“ á Úkraínu gæti leitt til vægari viðbragða frá Bandaríkjunum og bandamönnum þeirra.
„Það eru engar minniháttar innrásir. Rétt eins og það eru engin minniháttar mannsföll og lítil sorg vegna missi ástvina,“ skrifaði Zelensky á Twitter.
Rússland sent yfir 127 þúsund hermenn
Her Rússlands heldur áfram að safnast saman við landamærin að Úkraínu, þrátt fyrir diplómatískar tilraunir Vesturlanda síðustu vikur til að koma í veg fyrir innrás Rússa í Evrópuríkið.
Samkvæmt nýjustu greiningu varnarmálaráðuneytisins í Kænugarði, sem fréttastofa CNN fékk að líta augum á þriðjudag, hefur Rússland nú sent fleiri en 127 þúsund hermenn á svæðið.
Í lok desember og það sem af er janúar er herinn einnig sagður hafa flutt „birgðir skotfæra, færanleg sjúkrahús og öryggisþjónustur“ að landamærunum, sem í greiningunni er talið „staðfesta undirbúning sóknaraðgerða“.
Voru með 5 sjúkrabíla í verkefnum á brautinni
Evrópumál voru ekki til umræðu
„Við bara reynum að þrýsta þessu fram“
„Það er verið að kalla eftir okkur“
Halla hyggst tilkynna um umboð í dag
Halla og Kristrún funda á Bessastöðum í dag
Þungir dómar í Sólheimajökulsmáli
