Bandaríkjamenn reyni að egna til átaka
Setja bókamerki
Tengdar fréttir
Úkraína
Sergei Lavrov, utanríkisáðherra Rússlands, sakar Bandaríkjamenn um að reyna að egna til átaka í Úkraínu. Þetta kom fram í samtali hans og Antony Blinken, utanríkisráðherra Bandaríkjanna, fyrr í dag. AFP-fréttastofan greinir frá.
Lavrov sagði að í gangi væri áróðursherferð, leidd af Bandaríkjunum og bandalagsþjóðum, um ágang Rússa gagnvart Úkraínu og yfirvofandi innrás. Með því væri verið að sækjast eftir átökum.
Blinken sagði að enn væri hægt að fara diplómatíska leið til að forðast átök, en það þýddi að Rússar þyrftu að stíga til baka og vera tilbúnir að eiga samtal á réttum forsendum.
Forsetar ræða saman síðar í dag
Í gær varaði Blinken við því að innrás Rússa í Úkraínu, gæti hafist á næstu dögum. Ný gögn bentu til þess að innrás gæti jafnvel hafist á meðan Vetrarólympíuleikarnir í Peking stæðu yfir, en þeim lýkur 20. febrúar.
Joe Biden, forseti Bandaríkjanna, og Vladimir Pútin, forseti Rússlands, munu einnig ræða saman síðar í dag, ásamt Emanuel Macron, forseta Frakklands.
Margar þjóðir hvetja fólk til að yfirgefa Úkraínu
Fjölmargar þjóðir hafa hvatt ríkisborgara sína til að fara frá Úkraínu sem allra fyrst vegna mögulegrar innrásar. Bandaríkjamenn eru þar á meðal, en Danir, Norðmenn, Ástralir, Nýsjálendingar, Hollendingar og Þjóðverjar hafa gert það sama.
Átta Íslendingar eru staddir í Úkraínu og hefur íslenska utanríkisráðuneytið hvatt Íslendinga til að fylgjast með viðvörunum annarra Norðurlandaþjóða. Þá eru Íslendingar í Úkraínu hvattir til að láta borgaraþjónustuna vita af sér.
Tengdar fréttir
Úkraína
Þyrla forsetans lenti í „slysi“
Kærir teiknara Vísis til siðanefndar
Telur að Rússar herði sókn sína í norðaustri
Veita fyrirtækjum brú yfir óvissutímabil
Lögregla hafi hvatt til afturköllunar kæru
Kostnaðurinn nemur allt að þremur milljörðum
Haustbragur í maí: Snjókoma fyrir norðan