Bandaríkin og bandamenn þeirra hyggjast útiloka Rússland frá alþjóðaviðskiptum í refsingarskyni fyrir innrás Vladimírs Pútíns Rússlandsforseta inn í Úkraínu.

Frá þessu greindi Joe Biden Bandaríkjaforseti í ávarpi sínu í Hvíta húsinu í dag.

Frétt af mbl.is

Rússar ráðast enn á óbreytta borgara

Banna innflutning á ýmsum vörum frá Rússlandi

„Bandaríkin, bandamenn okkar og samstarfsaðilar munu halda áfram að auka efnahagslegan þrýsting á Pútín og einangra Rússland enn frekar á alþjóðavettvangi,“ sagði Biden og bætti því við að refsiaðgerðirnar hafi verið ákveðnar í samráði við bandamenn Atlantshafsbandalagsins, G7-ríkjanna og Evrópusambandsins.

Þá sagði Biden aðgerðirnar m.a. fela í sér innflutningsbann á sjávarafurðum, vodka og demöntum frá Rússlandi og útflutningsbann á bandarískum lúxusvörum til bæði Rússlands og Hvíta-Rússlands.

Bannið nái til að mynda til „tiltekinna rússneskra og hvítrússneskra auðjöfra og áhrifamanna víða um heiminn,“ að því er segir í yfirlýsingu frá viðskiptaráði Bandaríkjanna.

Frétt af mbl.is

Innrásin þróist ekki út í stríð NATO og Rússa

Bandaríkin munu ekki taka beinan þátt í stríðinu

Hét hann því einnig að Rússum yrði refsað harkalega beiti þeir efnavopnum í Úkraínu en nýlega greindi bandaríska leyniþjónustan frá því að Moskva væri mögulega að undirbúa slíka árás.

Auk þess útilokaði Biden möguleikann á beinni þáttöku Bandaríkjanna í stríðsátökunum í Úkraínu og varaði við því að bein afskipti NATO-ríkjanna gætu leitt til „þriðju heimsstyrjaldarinnar“.

„Við munum ekki berjast gegn Rússlandi í Úkraínu,“ sagði Biden í ávarpi sínu og vísaði þannig örvæntingafullu ákalli Kænugarðs um að NATO grípi inn í á bug.

Tengdar fréttir

Úkraína

Segir hergögn á leiðinni til Úkraínu

• Blinken kominn til Úkraínu – Rússar herða sókn
• Myndi leyfa kjarnavopn í Svíþjóð á stríðstímum
• Skutu niður 31 úkraínskan dróna í nótt
• Rússagrýlan í brennidepli í Litháen

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Bannfærð heimildamynd Oliver Stone´s