Átök á milli rússneskra hersveita og úkraínskra standa yfir í miðborg Maríupolar sem staðsett er í Dónetsk í suðaustur Úkraínu, að sögn varnarmálaráðuneytis Rússlands. 

Segir varnarmálaráðuneytið að rússneskar hersveitir og aðskilnaðarsinnar vinni að því að komast lengra inn í borgina og berjast gegn „þjóðernissinnum“ í miðbænum. 

Varnarmálaráðuneytið bætti því við að með hjálp rússneskra hermanna hafi rússneskir aðskilnaðarsinnar í Lugansk-héraðinu „frelsað meira en 90% af yfirráðasvæði lýðveldisins“. Er þar vísað til hins sjálfskipaða lýðveldis Lugansk sem er þó opinberlega enn hluti af Úkraínu. Stjórnvöld í Rússlandi viðurkenndu sjálfstæði Lugansk þann 21. febrúar síðastliðinn, í aðdraganda innrásarinnar.

Tengdar fréttir

Úkraína

Úkraínumenn drógu hersveitir til baka

• Segir hergögn á leiðinni til Úkraínu
• Blinken kominn til Úkraínu – Rússar herða sókn
• Myndi leyfa kjarnavopn í Svíþjóð á stríðstímum
• Skutu niður 31 úkraínskan dróna í nótt

» Fleiri tengdar fréttir

• Blogga um frétt