Ítalski skurðlæknirinn Paolo Macchi­ar­ini, sem græddi plast­barka í sjúk­linga á Karólínska sjúkra­hús­inu í Stokk­hólmi, var í morgun sakfelldur í einum af þremur ákæruliðum í tengslum við aðgerðirnar.

Hlaut Macchiarini skilorðsbundinn dóm en saksóknarar höfðu farið fram á fimm ára fangelsi.

Greint er frá niðurstöðunni á vef sænska ríkisútvarpsins.

Macchi­ar­ini var ákærður fyr­ir gróft of­beldi gegn þrem­ur sjúk­ling­um sem hann græddi plast­barka í á ár­un­um 2011 og 2012.

Frétt af mbl.is

Krefjast fangelsisvistar til fimm ára

Dómstóllinn komst að þeirri niðurstöðu að hægt væri að verja tvær af þremur aðgerðum. Sú þriðja hafi hins vegar ekki verið framkvæmd í samræmi við sannreyndar aðferðir og vísindi.

Lét­ust all­ir sjúk­ling­arn­ir, en að minnsta kosti einn þeirra var ekki tal­inn í lífs­hættu áður en aðgerðin var fram­kvæmd. Þessi þrjú til­felli áttu sér stað í Svíþjóð en utan Svíþjóðar fram­kvæmdi Macchi­ar­ini fimm sam­bæri­leg­ar aðgerðir og eru þeir sjúk­ling­ar einnig látn­ir.

Tengdar fréttir

Plastbarkamálið

Munu höfða mál gegn ríkinu vegna plastbarkamálsins

• Ríkið hafnar bótagreiðslu vegna plastbarkamálsins
• Dómurinn staðfesti að betur hefði mátt fara
• Tómas í leyfi frá Landspítalanum
• Fleiri stofnunum gert að tjá sig um plastbarkamál

» Fleiri tengdar fréttir

• Blogga um frétt