Rússar tilkynntu í gær að hernaðarleg markmið þeirra í Úkraínu hafi stækkað út fyrir Donbas-svæðið í austurhluta landsins. 

Sergei Lavrov, utanríkisráðherra Rússlands, sagði í viðtali að her Moskvu væri ekki lengur „aðeins“ að einbeita sér að því að ná yfirráðum í héruðunum Lúgansk og Dónetsk sem saman mynda Donbas-svæðið.

„Landafræðin er önnur núna. Þetta snýst ekki aðeins um DNR [Dónetsk] og LNR [Lúgansk], heldur einnig um Kerson-svæðið, Saporisjía-svæðið og fjölda annarra svæða,“ sagði hann við ríkisfjölmiðla.

Undanfarið hafa rússneskar hersveitir reynt að tryggja yfirráð á Donbas-svæðinu í kjölfar þess að þeir gáfust upp á upphaflegu stríðsmarkmiðinu sínu um að ná stjórn á Kænugarði.

Tengdar fréttir

Úkraínustríðið

Segjast hafa sökkt rússneskum kafbát

• Fagnar sögulegu láni til Úkraínu
• Ekki fórnað í „leik Pútíns“
• Telja íhlutun vesturvelda sannaða
• Sagðir hafa grandað rússneskri sprengjuflugvél

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Ný heimsskipan eftir stríð