Vinstri heldur velli samkvæmt spánni
Setja bókamerki
Niðurstöður úr útgönguspá sænska ríkisútvarpsins fyrir kosningarnar í Svíþjóð liggja fyrir. Samkvæmt þeim heldur ríkisstjórnin velli með 176 sætum, en stjórnarandstaðan fær 173 sæti.
Jafnaðarmannaflokkurinn mælist stærstur, með 29,3 prósenta fylgi. Sænski demókrataflokkurinn mælist næst stærstur, með 20,5 prósenta fylgi.
Miðflokkurinn mælist með 7,7 prósent, Vinstriflokkurinn með 7 prósent og Græningjar með 5,2 prósent. Frjálslyndi flokkurinn hlaut 4,7 prósent atkvæða í könnuninni.
Útgönguspá sænska ríkisútvarpsins byggir á svörum ellefu þúsund kjósenda, rétt eftir að þeir greiddu atkvæði. Ekki er því um opinberar tölur að ræða, en almennt þykir spáin gefa nokkuð góða vísbendingu um úrslit kosninga.
Fréttastofan heimsótti 105 kjörstaði í dag, og 55 kjörstaði utan kjörfundar.
Jafnaðarmannaflokkurinn, Græningjar, Mið- og Vinstriflokkurinn, mynda svokallað vinstra bandalag, og miðað við útgönguspá fá þeir samanlagt nauman meirihluta, eða 50,6 prósent atkvæða.
Lát hjóna í Neskaupstað: Ákæra gefin út
Helgi Magnús mætir til starfa í dag
Kristrún Frostadóttir verður forsætisráðherra
Barn lést í árásinni
Nágrannaþjóðir upplýstar en við vöðum í blindni
Stóðu skógarþjófa að verki
„Mér finnst gamla Samfylkingin komin aftur“
