„Á hraðri leið til loftslagshelvítis“
Setja bókamerki
Tengdar fréttir
Loftslagsvá
Mannkynið er að berjast fyrir lífi sínu vegna aukinna þurrka, flóða og hitabylgja af völdum loftslagsbreytinga. Þetta sagði Antonio Guterres, aðalritari Sameinuðu þjóðanna, á loftslagsráðstefnu SÞ, COP27 í Egyptalandi.
Á sama tíma og alþjóðleg efnahagslægð ríkir vegna Covid-19, innrásar Rússa í Úkraínu og öfga í veðurfari, sagði Guterres að alþjóðasamfélagið stæði frammi fyrir hreinum og klárum valkostum.
„Vinnið saman eða farist,“ sagði hann við leiðtoga á ráðstefnunni. „Það er annað hvort sáttmáli um samstöðu í loftslagsmálum eða sameiginlegur sjálfsvígssáttmáli.“
Guterres kallaði eftir „sögulegum“ samningi á milli ríkra þjóða og annarra með það að markmiði að draga úr útblæstri gróðurhúsalofttegunda og halda hitastiginu í samræmi við markmið Parísarsáttmálans um það fari ekki yfir 1,5 stig frá iðnbyltingu.
Hann sagði að markmiðið ætti að vera að útvega endurnýjanlega orku og orku sem allir hafa efni á og hvatti sérstaklega þær þjóðir sem losa mest af gróðurhúsalofttegundum, Bandaríkin og Kína, til að leggja meira af mörkum.
Varðandi stöðuna sem er uppi núna sagði Guterres. „Við erum á hraðri leið til loftslagshelvítis með fótinn enn á bensíngjöfinni“.
Hlýnunin er þegar komin í um 1,2 stig frá iðnbyltingu og gætir áhrifa víða vegna þess. Til að mynda hafa miklir þurrkar geisað í Afríku og eru milljónir manna þar á barmi hungursneyðar. Mannskæð flóð hafa gengið yfir Pakistan og eyðilagt innviði. Tjón af völdum loftslagstengdra hamfara þar í landi nemur yfir 30 milljörðum Bandaríkjadala, að sögn Alþjóðabankans.
Þetta eru ráðherrar ríkisstjórnarinnar
„Mér finnst gamla Samfylkingin komin aftur“
Lát hjóna í Neskaupstað: Ákæra gefin út
Ný ríkisstjórn kynnt á morgun
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana