Ófriður ógnar björgunarstarfi
Setja bókamerki
Átök brjótast reglulega út milli fólks og vopnum beitt, í Tyrklandi og Sýrlandi, á sama tíma og barist er þar í bökkum við að bjarga fólki undan rústum eftir jarðskjálfta á svæðinu.
Ófriðurinn bætist því ofan á það ófremdarástand sem hefur skapast vegna jarðskjálftanna og dæmi eru um að björgunarsveitarmenn frá alþjóðlegum björgunarsveitum hafi þurft að gera hlé á björgunaraðgerðum og leita skjóls vegna átaka milli hópa.
Tyrkneski herinn hefur boðist til þess að stíga inn í og veita björgunarsveitunum vernd meðan á björgunarstarfi stendur.
Þá hefur þjófnaður einnig aukist, en 50 einstaklingar hafa verið handteknir fyrir gripdeild auk þess sem nokkrar byssur hafa verið gerðar upptækar, að því er fram kemur í frétt BBC.
Búist er við því að öryggi eigi enn eftir að versna, eftir því sem á líður og skortur eykst á nauðsynjum á borð við mat og drykk.
Kemur ekki til greina að semja við ESB
Segir forseta þingsins segja ósatt frá fundinum
Veita fyrirtækjum brú yfir óvissutímabil
Um 70 jarðskjálftar í kvikuganginum
Braut gegn konum í Eyjum