Vopnahlé hefjist á milli herliðanna tveggja á morgun
Setja bókamerki
Vonast er til þess að vopnahlé sem samið hafi verið um á milli súdanska hersins og uppreisnarhers RSF muni fram ganga á morgun. Utanríkisráðherra Bandaríkjanna segir vopnahléið afrakstur erfiðra samningaviðræðna síðustu daga.
„Bandaríkin hvetja súdanska herinn og herlið RSF til þess að virða vopnahléið á meðan á því stendur. Til þess að styðja við varanleg lok átaka munu Bandaríkin samstilla sig með staðbundnum og alþjóðlegum samstarfsaðilum,“ hefur Reuters eftir Anthony Blinken utanríkisráðherra Bandaríkjanna.
Í umfjölluninni kemur fram að herliðin tvö hafi ekki virt vopnahlé hingað til en vonast sé til þess að 72 tíma hléið, sem samið hafi verið um, haldi.
Átökin gætu teygt sig verulega langt
Meira en fjögur hundruð manns hafa látið lífið í átökunum sem hófust í Súdan þann 15. apríl og þúsundir særst.
Ríki heimsins hafa keppst við að koma ríkisborgurum sínum úr landinu og hafa tugþúsundir íbúar nágrannalanda haldið á flótta.
Á fundi Öryggisráðs Sameinuðu þjóðanna í dag sagði Antonio Guterres, framkvæmdastjóri Sameinuðu þjóðanna, það alveg á hreinu að Sameinuðu þjóðirnar ætluðu ekki að yfirgefa Súdan.
„Við erum skuldbundin íbúum Súdan. Við styðjum óskir þeirra um friðsamlega og örugga framtíð. Við stöndum með þeim á þessum hræðilegu tímum“.
Þá sagði hann átökin geta reynst verulega eyðileggjandi fyrir allt landsvæði nærri Súdan en angar átakanna gætu teygt sig enn lengra.
Fyrsta 360 gráða yfirlitsmyndin frá goslokum
Þrefalt stærra en gosin í desember og janúar
Næsta eldgos fær mikið forskot
María Sigrún svarar Degi fullum hálsi
Eldgosinu lokið en getum búist við öðru
Eldgosinu er lokið
„Gleymum því ekki að okkar vali fylgir ábyrgð“