Skotið var á tyrkneska herþotu á leið til lendingar í Kartúm, höfuðborg Súdans, í dag. Engin slys urðu á fólki og lenti vélin örugglega á Wadi Seidna-herflugvellinum. Vélin átti að flytja almenna borgara frá landinu.

BBC greinir frá.

Tyrkneska varnarmálaráðuneytið greindi frá þessu og segir uppreisnarher RSF bera ábyrgð á árásinni. Uppreisnarherinn neitar sök í máli og segist fylgja framlengdu vopnahléi. 

Uppreisnarherinn og Súdansher samþykktu að framlengja vopnahléið í gærkvöldi um aðrar 72 klukkustundir. 

Umsamið vopnahlé sem tók gildi á þriðjudag hefur skilað takmörkuðum árangri, en átök geisuðu um borgina og Súdansher varpaði sprengjum á vígi uppreisnarhersins í borginni. 

Tvær vikur eru síðan átökin í Kartúm hörðnuðu verulega, mörg hundruð almennir borgarar hafa týnt lífinu og þúsundir særst. Þá hafa tugir þúsunda þurft að flýja heimili sín vegna ástandsins.

Hér að neðan má sjá myndir sem teknar voru af flugvélinni eftir árásina: 

Tengdar fréttir

Súdan

Ríkisstjórnin fundaði um styrjöldina í Súdan

• Hundruð þúsunda í hættu í Súdan
• Hafa ekki borið kennsl á 180 lík
• Ógnvekjandi hve mörg börn hafa látist
• Yfir 430 þúsund manns flúið heimili sín

» Fleiri tengdar fréttir

• Blogga um frétt