Fær tveggja og hálfs árs dóm í plastbarkamáli
Setja bókamerki
Áfrýjunardómstóll í Svíðþjóð hefur dæmt ítalska skurðlækninn Paolo Macchiarini í tveggja og hálfs árs fangelsi fyrir að græða plastbarka í þrjá sjúklinga á Karólínska sjúkrahúsinu í Stokkhólmi.
Macchiarini var sakfelldur fyrir að hafa grætt plastbarka í tvo karlmenn og eina konu á árunum 2011 og 2012. Öll hlutu þau alvarlega fylgikvilla og létust.
Macchiarini var talinn hafa nýtt sér ástand sjúklinganna og mátti vera ljóst að þeir þyldu ekki slíkar aðgerðir. Sænska ríkisútvarpið greinir frá þessu.
Hann hefur frá upphafi neitað sök og að sögn verjanda hans verður málinu áfrýjað.
Hlaut áður skilorðsbundinn dóm
Á blaðamannafundi sem Macchiarini boðaði til í dag sagði hann að það að skaða sjúklinga viljandi væri versta ásökun á hendur læknis.
Macchiarini var í héraðsdómi í Svíþjóð í fyrra ákærður fyrir gróft ofbeldi gegn sjúklingunum þremur en sakfelldur í einum af þremur ákæruliðum í tengslum við aðgerðirnar. Hlaut hann skilorðsbundinn dóm.
Málinu var áfrýjað af bæði saksóknara og verjendum til áfrýjunardómstólsins sem nú hefur þyngt refsinguna og sakfellt hann í öllum þremur ákæruliðum.
Ágreiningur í VG um aðild að NATO
/frimg/1/52/68/1526898.jpg)
„Fólk elskar þennan mann“
Sjá mikinn viðsnúning og ætla ekki að skerða þjónustu
Börnum mismunað: Kjaradeilan verði leyst án tafar
Líkur á vatnavöxtum og varað við skriðum
Hvað verður um sakamálin ef Trump vinnur? Eða tapar?
/frimg/1/52/67/1526758.jpg)
„Það er engin ákveðin hreyfing í deilunni“
Tíu börn á spítala, þar af tvö á gjörgæslu